.
.
.


خففي يا نفس من كثر الطلايب
فالزمن فيه السعاده والمصايب
كلها ماهي تدوم
والزمن طبعه كذا عدل ٍومايل


صفوت الايام يغشاها شوايب
من يعيش يشوف في وقته عجايب
واختلافٍ في السلوم
من يدقق بالنظر شاف الهوايل


الجفاء قد حل مابين القرايب
والتواصل بينهم قد صار غايب
مادرينا من نلوم
ضاعت الحكمه وضيعنا الدلايل

ما اجمل الدنيا ليا صرنا حبايب
ان زرعنا الحب صار الكيف طايب
لاخصام ولا هموم
والزروع يلمها بني الثمايل